"Эвертон" ярим ҳимоячиси Амаду Онана фаолиятини "Барселона"да давом эттириши мумкин, деб хабар беради Mundo Deportivo.
Манбага кўра, Серхио Бускетснинг Каталония клубидан кетиши сабаб юзага келган катта бўшлиқ ҳали тўлдирилмаган. "Барселона" раҳбарияти ҳозирда ушбу позицияда ўйнаётган Кристенсеннинг кейинги мавсумда асосий ўйинчи бўлишига ишончи комил эмас. Онана "Барса"нинг қисқа рўйхатига киритилган, аммо клуб 22 ёшли футболчининг юқори нархидан хавотирда.
Онананинг "Эвертон" билан шартномаси 2027 йилгача мўлжалланган ва Transfermarkt футболчини 50 миллион еврога баҳоламоқда. Жорий мавсумда ярим ҳимоячи 29 та ўйин ўтказиб, 3 та гол урди ва 1 та голли узатмани амалга оширди.
