"Челси" ва "Ливерпуль"нинг собиқ футболчиси Фернандо Торрес Муҳаммад Салоҳ "қизиллар" билан янги шартнома имзолашига умид қилмоқда.
"Ҳаммангиз Салоҳ «Ливерпуль»да нималарга эришганини кўряпсиз. Мен учун у сўнгги ўн йилликдаги энг яхши футболчилардан бири. У менинг севимли футболчиларимдан бири. У янги шартнома имзоласа, хурсанд бўлдим", - дея Торреснинг сўзларидан иқтибос келтиради мерсисайдликлар матбуот хизмати.
Жорий мавсумда мисрлик футболчи АПЛда 22 та ўйин ўтказиб, 15 та гол урди ва 9 та голли узатмани амалга оширди.
