Англия терма жамоаси бош мураббийи Гаррет Саутгейт "Челси" футболчиси Коул Палмернинг Бельгия (2:2) ва Бразилия (0:1) билан ўртоқлик ўйинларида майдонга тушмаганига изоҳ берди.

"Жамоа таркибини эълон қилганимда, айрим позицияларда жиддий рақобат борлигини айтдим.

Коул Палмер жуда кўп машғулотларни ўтказиб юборгани учун уни Бельгияга қарши ўйинга кирита олмаганимиз бироз ноқулай. Коул ҳафтанинг кўп қисмини ўтказиб юборди.

Биз унинг қандай ўйнашига 100 фоиз ишончимиз комил эмас эди, ҳолбуки биз Гордон ва Мэддисондан нима кутишни билардик. Мен Коулни бу рақобатдан чиқармаган бўлардим" - деди Саутгейт.

Жорий мавсумда 21 ёшли Палмер 37 та ўйин ўтказиб, 16 та гол урди ва 12 та голли узатмани амалга оширди.