"Манчестер Юнайтед" бош мураббийи Эрик тен Хагнинг фикрича, кутилмаган машҳурлик ҳали 18 ёшли Кобби Майнуга зарар етказмаган.
Ярим ҳимоячи мунтазам равишда турли мутахассислар, собиқ футболчилар ва мураббийлар томонидан ўз фаолияти учун мақтовга сазовор бўлмоқда. Вундеркинд яқинда Англия терма жамоасида дебют қилди.
“Ҳозирча Кобби ўзи атрофидаги шов-шувларга жуда яхши дош бераяпти. Албатта, биз мураббийлар у бир кун келиб чегарани кесиб ўтса, аралашишимизга тўғри келади, аммо ҳозирча бунга ҳожат йўқ. Майну ажойиб йигит ва у футбол ўйнашни хоҳлайди", - деди Тен Хаг шанба кунги "Брентфорд"га қарши ўйин олдидан.
