Мадриднинг “Реал” клуби ёш ярим ҳимоячиси Пауло Яго ўз клубидан ҳафсаласи пир бўлди. 16 ёшли футболчининг фикрича, унинг иқтидори "Қироллик клуби"да етарлича баҳоланмаяпти.
Relevo'нинг сўзларига кўра, испаниялик аллақачон ўз атрофидагилардан унга ишонадиган бошқа лойиҳа топишни сўраган. Пауло Яго Испания терма жамоасида 17 ёшгача, 16 ёшгача ва 15 ёшгача бўлган тоифаларда ўйнаш тажрибасига эга.
Футболчининг ҳозирча мадридликларнинг асосий ёки ўринбосарлари учун ўйинлари йўқ. Ўтган ёзда Яго "Реал" билан 2024/25 йилги мавсум охиригача шартнома имзолаган эди. Ҳужумкор ярим ҳимоячи апрел ойида 17 ёшга тўлади.