"Барселона" бош мураббийи Хави Эрнандес марказий ҳимоячи Микаил Файени мақтади. 19 ёшли футболчи ҳали жамоанинг асосий таркибида ўйнамаган, бироқ яқинда Сенегал терма жамоасида дебют ўтказиб, Габон билан ўйинда гол урди.
"Файе биз билан ўртоқлик ўйинида ўйнаган ва у жуда яхши. Жуда қобилиятли футболчи. У тажовузкор, тезкор ва тўп билан яхши ўйнайди. У юқори савияда ва қачондир бизга ёрдам бера олади", - дейди Каталония гранди мураббийи.
Миш-мишларга ишонадиган бўлсак, "Бавария", "Манчестер Юнайтед" ва Европанинг бошқа топ клублари аллақачон Микайл Файега қизиқиш билдиришган.
