"Рома"да ижара асосида ўйнаётган "Ювентус" марказий ҳимоячиси Дин Хейсен ёзда клубини ўзгартириши мумкин. Нидерландиялик футболчи мавсум охирида "бянконери"га қайтади, аммо туринликлар учун жозибадор таклиф тушса, тез орада сотилиши мумкин.
De Telegraaf хабарига кўра, Хейсенга Дортмунднинг "Боруссия" клуби қизиқиш билдирмоқда, шунингдек, 18 ёшли футболчи учун Англиянинг "Ньюкасл" клуби ҳам даъвогарлик қилмоқда. "Рома" ҳам умидли футболчининг ижара муддатини яна бир мавсумга узайтирмоқчи.
Transfermarkt Дин Хейсеннинг нархини 10 миллион еврога баҳолаган. Ҳимоячининг "Ювентус" билан шартномаси 2028 йилгача мўлжалланган.
