Мадриднинг "Реал" клуби "Кастиля" клубида ижара асосида ўйнаётган "Шахтёр" ҳимоячиси Винисиус Тобиас билан шартнома имзоламайди. Бу ҳақда AS хабар бермоқда.
Манбага кўра, "Реал Мадрид" бразилиялик футболчини Дани Карвахалга ўринбосар сифатида кўрган. Аммо Лукас Васкес билан шартнома узайтирилгач, Тобиасда асосий таркибга кириш имконияти қолмади.
20 ёшли Тобиас 2022 йилнинг ёзида "Шахтёр"дан ижарага олинганди. Бу вақт ичида у "Реал Мадрид"нинг иккинчи жамоаси сафида 59 та ўйинда майдонга тушди ва бирорта ҳам гол ура олмади.
2023/2024 йилги мавсумда бразилиялик футболчи Қирол кубогида асосий жамоа таркибида битта ўйин ўтказди. Тобиас охирги марта феврал ойида Испания чемпионатининг учинчи лигасида "Алхесирас" билан ўйинда (3:0) "Кастилья" учун майдонга тушган эди.