Юрген Клопп 2023/2024 йилги мавсум охирида "Ливерпуль" бош мураббийлигидан кетади.

Миш-мишларга кўра, "мерсисайдликлар" клубига асосий номзод Рубен Аморим бўлиб, у ҳозир Лиссабоннинг "Спортинг" жамоасида яхши ишламоқда. Аморимнинг ўзи ушбу миш-мишларга изоҳ берди.

"Ҳозир бор эътиборимни "Спортинг"га қаратганман. Мен бу клуб мураббийи эканлигимдан жуда фахрланаман. Биз бор эътиборимизни совринларни қўлга киритишга қаратганмиз. Мавсум охирида нима бўлишини кўрамиз. Шартномам бор, хурсандман. Бу энг муҳими – шартномалардан ҳам муҳимроқ" - деди Аморим матбуот анжуманида журналистларга.