"Бавария" бош мураббийи Томас Тухель Германия чемпионатининг жорий мавсумида чемпионлик учун кураш якунланганини айтди.
"Байер"ни чемпионлик билан табриклайман. Чемпионлик учун кураш ниҳоясига етди", - дея Тухель сўзларини келтиради Фабрицио Романо.
30 март куни Бундеслиганинг 27-туридан ўрин олган баҳсда "Бавария" Дортмунднинг "Боруссия"сига мағлуб бўлди (0:2), "Байер" эса "Хоффенхайм"дан кучлироқ бўлиб чиқди (2:1).
Леверкузен клуби 73 очко билан турнир жадвалида биринчи ўринда бормоқда. Мюнхенликлар 60 очко билан иккинчи ўринда бормоқда.
