Нуфузли инсайдер Фабрицио Романо "Реал Мадрид" дарвозабони Андрей Лунин билан вазият ҳақида маълумот берди. Журналистнинг сўзларига кўра, Мадрид клуби Лунин билан янги шартнома борасида келишиб олиш мумкинлигига ишончи комил.
"Лос-Бланкос" украиналикни ўз лойиҳасининг бир қисми сифатида кўради, ҳатто кейинги мавсумда Тибо Куртуа яна асосий дарвозабон бўлса ҳам. Романонинг таъкидлашича, "Реал" аллақачон 25 ёшли Лунин учун янги шартнома бўйича таклиф тайёрлаб қўйган.
2023/2024 йилги мавсумда Андрей Лунин турли клуб мусобақаларида 23 та ўйин ўтказиб, 19 та гол ўтказиб юборган. Луниннинг амалдаги шартномаси 2025 йилнинг ўрталарига қадар мўлжалланган.
