Якшанба куни “Жирона” Испания чемпионатининг навбатдаги ўйинида “Бетис”ни 3:2 ҳисобида мағлуб этди. Учрашувнинг асосий қаҳрамони дубл қайд этган ҳужумчи Артем Довбик бўлди.
Испания Ла Лигасининг жорий мавсумида Довбик ҳисобида 16 та гол бор. Украиналик футболчи тўпурарлар пойгасида "Реал"дан Жуд Беллингем ва "Осасуна"дан Анте Будимир билан биринчи ўринни бўлишмоқда.
Шу билан бирга, Довбик бир мавсумда 15 дан ортиқ гол урган иккинчи футболчи сифатида "Жирона" тарихига кирди. "Жирона" айни дамда Испания чемпионати турнир жадвалида учинчи ўринда бормоқда.
