Португалия терма жамоасининг собиқ футболчиси Мигель Дани ўғиллари Криштиану Роналдудан ўрнак олишларини айтди.

“Криштиану дунёнинг энг яхши футболчиси, у ҳамма нарсани исботлади, тарихни қайта ёзди, у профессионаллик намунасидир. Дунёнинг барча футболчилари Роналду билан ёки ҳатто Роналдуга қарши ўйнаш имконига эга бўлса, хурсанд бўлишлари керак. Менга келсак, ундан ўрнак олишимиз керак.

Мен ҳар доим ўғилларимга айтаман. Агар улар энг яхши футболчи бўлишни ва энг юқори савияда ўйнашни истаса, улар яхши ухлашлари, тўғри овқатланишлари, ўзларига ғамхўрлик қилишлари ва кўп машқ қилишлари керак. Ва ҳар доим уларга Роналдуни ўрнак қилиб кўрсатаман. Мен уларга Криштиану нима учун юқори савияда эканлигини тушунтирдим.

Мен учун ҳам, Португалия учун ҳам Криштиану Роналду ҳақиқий жангчи. У бизнинг қаҳрамонимиз. Унинг терма жамоада ўйнашда давом этишини истайман. Ҳозир у Саудия Арабистонига кетди ва у ерда гол уришда давом этмоқда. Ишончим комилки, у камида 42-43 ёшга тўлгунча ўйнайди. Бунинг учун унда ҳамма нарса бор”, деди Дани.