Карло Анчелотти бошчилигидаги "Реал Мадрид" Испания чемпионатида қаторасига 24 учрашувдан бери мағлуб бўлмаяпти (18 ғалаба, 6 дуранг). Бу ҳақда Opta Sport хабар бермоқда.
Манбага кўра, Испания Ла лигасининг 30-турида "Атлетик Бильбао"ни мағлуб этган (2:0) "Реал Мадрид" жамоасининг сўнгги 27 йилдаги энг яхши сериясини такрорлади. Бундай натижага охирги марта италиялик мутахассис Фабио Капелло бошчилигидаги "Лос-Бланкос" 1996/1997 йилги мавсумда эришган эди. Ўшанда "Реал" 16 учрашувда ғалаба қозонган ва 8 учрашувда дуранг қайд этган.
Испания чемпионатининг 30-туридан сўнг “Реал” 75 очко жамғариб, биринчи ўринда бормоқда. Ўз навбатида, "Атлетик" Испания Ла Лигасида 56 очко жамғариб, тўртинчи ўринни эгаллаб турибди.
