Италия терма жамоаси ва "Интер"нинг собиқ ҳимоячиси Марко Матерацци франциялик Килиан Мбаппе ва норвегиялик Эрлинг Холанд ўртасида танлов қилди.
"Бу йигитлар худди Роналду ва Месси каби бўлишади. Юқори эҳтимоллик билан улардан бири кўп сонли "Олтин тўп"лар билан мақтанади. Агар улардан бирини танлашим керак бўлса, Килиан деган бўлардим. У аллақачон жаҳон ва Франция чемпиони. Унинг жаҳон чемпионатида муҳим голлари бор. Ҳар ҳолда, бу икки феноменал ўйинчи", — деди Матерацци Vesti.kz билан суҳбатда.
Эслатиб ўтамиз, ёзда Мбаппе "ПСЖ"дан "Реал"га ўтиши мумкин.
