"Брайтон" бош мураббийи Роберто Де Зерби келажаги ҳақида фикр билдирди.
Италиялик мураббийга "Ливерпуль" ва "Бавария" клублари қизиқиш билдираётгани айтилмоқда.
"Менга омад кулиб боқди, чунки менда аниқ фикр бор ва ҳаётимда доим нима қилишимни ўзим ҳал қиламан.
Мен Тоуни ("Брайтон" эгаси) билан гаплашаман ва биргаликда муаммосиз ечим топа оламиз. Лекин мен келажагимни ва нимани хоҳлаётганимни биламан.
Мен рақобатлашмоқчиман ва амбицияларимни баланд тутмоқчиман, чунки менинг ҳаётим футбол. Мен ҳар куни эрталаб бахтли уйғонишни ва максимал натижага эришиш учун курашишни хоҳлайман", - дея Де Зербининг сўзларини келтиради Goal.
