«Барселона» ёрдамчи мураббийи Хорди Роура Европа чемпионлар лигасининг 1/8 финал «Милан»га қарши жавоб учрашуви борасида ўз фикрларини билдириб ўтди.

«Милан» устидан қозонилган 4:0 ҳисобидаги ғалаба бу жуда катта натижа. Ҳатто «Барселона» учун ҳам бу ноодатий натижа. «Россонерлар» сафида жуда ажойиб футболчилар жой олишганди. Уларни мағлуб этиш биз учун осон бўлгани йўқ».

«Кўпчилик сўнгги кунларда Мессини танқид қилиб чиқаётганди. Лионель бугун танқидларга муносиб жавоб қайтара олди. У шубҳасиз, жамоадаги энг асосий футболчи ва биз унинг ёрдамида муваффақиятга эришдик».

«Бу Тито Виланова учун ўта муҳим ғалаба. Хурсандчилик натижасида унинг Нью-Йоркдаги муолажалари ҳам тезроқ ниҳоясига етади. Тез орада у сафимизга қайтади. Чемпионлар лигасининг кейинги босқичига чиққанимиздан хурсандмиз. Энди бемалол кейинги босқчи ҳақида ўйлашимиз мумкин», дейди Роура.