Германия футбол ассоциацияси (DFB) УЕФА билан 4-рақамнинг янги дизайни бўйича келишиб олмоқчи.

Аввалроқ Adidas Германия либосидаги 44 рақамини CC белгисига ўхшашлиги сабабли тақиқлаши маълум бўлган эди. Ундан жамоа фойдаланмайди.

DFB'нинг таъкидлашича, "футболкаларни лойиҳалаш жараёнида иштирок этган томонларнинг ҳеч бири нацист белгиларига яқинлик кўрмаган".

“Бироқ, биз бу маълумотга жуда жиддий қараймиз ва муҳокама учун платформа тақдим этишни истамаймиз. Ҳамкоримиз 11teamsport билан биргаликда биз 4-рақам учун муқобил вариантни ишлаб чиқамиз ва бу борада УЕФА билан келишиб оламиз”, — дейилади Германия футбол ассоциацияси баёнотида.