“Атлетико Мадрид” сафарда узоқ кутилган ғалабани қўлга киритди.

Диего Симеоне шогирдлари Ла Лиганинг 30-тури доирасидаги ўйинда сўнгги дақиқаларда Сауль Ньигеснинг голи эвазига “Вильярреал”ни мағлуб этиб, уч очкони тортиб олди (2:1). “Матрасчилар” учун бу барча турнирларда январь ойидан бери ("Гранада" билан 1:0) меҳмонда ғалаба қозонган илк учрашувдир. Шундай қилиб, Opta маълумотларига кўра, мадридликлар 2019 йилдан бери сафардаги энг узоқ давом этган ғалабасиз сериясини тугатди - олтита ўйин (икки дуранг ва тўртта мағлубият).

"Атлетико" айни дамда 58 очко билан Ла Лига турнир жадвалида 4-ўринда бормоқда. 10 апрель куни мадридликлар Чемпионлар лигаси 1/4 финали илк учрашувида Дортмунднинг “Боруссия” клубини қабул қилади.