Манбага кўра, "Барселона" чап қанот ҳимоячиси Маркос Алонсо Мадриднинг "Атлетико" клуби билан келишувга эришган.
Яқинда нуфузли манбалар хабар беришича, Каталония клуби энди 33 ёшли футболчини режаларига киритмайди. Алонсога қизиқиш "Атлетико"да бўлган ва энди, El Larugero'нинг сўзларига кўра, "матрасчилар" испаниялик билан ҳамкорлик шартларини келишиб олишган. Трансфер кейинги ёзда амалга оширилиши керак.
Маркос Алонсо 2022 йилда Лондоннинг "Челси" клубидан "Барселона"га ўтган эди. Жорий мавсумда футболчи Хави Эрнандес жамоаси сафида барча мусобақаларда бор йўғи еттита ўйинда иштирок этган.
