"Барселона" бош мураббийи Хави Эрнандесни жорий мавсум якунланганидан кейин кетмасликка кўндиришга ҳаракат қилади.

44 ёшли мураббий январь ойида клубни тарк этиш қарорини элон қилган эди.

Mundo Deportivo хабарига кўра, "Барселона" президенти Жоан Лапорта, спорт директори Деку ва вице-президент Рафа Юсте Хавини ҳеч бўлмаганда 2026 йилнинг ёзигача сақлаб қолмоқчи.

Мутахассисни ҳали ишонтиришнинг иложи бўлмади - у ўзига келган бу сўровларни рад этишда давом этмоқда.

"Барселона" Чемпионлар лигасининг чорак финалига чиққанидан сўнг, Хави Эрнандес келажаги ҳақидаги саволга жавоб берар экан, ҳатто энг нуфузли еврокубокдаги ғалаба ҳам уни кетиш ҳақидаги қарорини қайта кўриб чиқишга мажбур қилмаслигини айтганди.