Хави, агар у клубда қолса, ёзда "Барселона" жиддий кучайишини истамоқда.
Январь ойи охирида "Вильярреал"га 3:5 ҳисобида мағлуб бўлган Хави мавсум охирида "Барселона" бош мураббийи лавозимини тарк этишини эълон қилди. Ўшандан бери жамоа ҳеч қачон мағлуб бўлмаган, саккиз марта ғалаба қозонган ва уч марта дуранг ўйнаган. "Барселона" Хавини жамоада қолишни талаб қилмоқда.
Mundo Deportivo ёзганидек, мураббий ҳали ўз фикридан қайтгани йўқ. Бироқ Хави бу мавзуда гапирганда доимо “бугун учун” иборасини қўллаши Каталония клуби раҳбариятида умид уйғотади. Шунга қарамай, мураббийнинг яқинлари унинг қарорида қатъий эканини айтишмоқда.
Манбага кўра, Хавининг қарорини бир неча омиллар ўзгартитиши мумкин. Масалан, муваффақиятли натижалар. Муваффақият Чемпионлар Лигаси ва/ёки Ла Лигада ғалаба қозониш ёки бу совринлар учун охиригача курашиш деб ҳисобланади. Бу ҳолатда Хави фикрини ўзгартириб, қолиши мумкин. Унинг оиласи буни тушунишади.
Аммо бу ҳолатда ҳам "Барселона" раҳбарияти мураббий қўйган шартларга рози бўлиши керак: Хави таркибни кучайтиришни сўрайди. У келгуси ёзни аввалгидек ўтказишни истамайди. Агар "Барса" кучли таркибни шакллантириш учун пули борлигига кафолат бера олмаса, мавсум якунидан қатъи назар, Хави албатта кетади. Хави ҳар доим барча мумкин бўлган совринлар учун курашишни хоҳлаган, лекин 16, 17 ёки 18 ёшли футболчилар ҳисобига эмас.
Хавини қолишга ишонтириш учун "Барса" ўзи керак деб ҳисоблаган футболчиларнинг трансферини кафолатлаши керак. Гап, биринчи навбатда, ярим ҳимоячилар ҳақида кетмоқда. Булар Мартин Субименди (“Реал Сосьедад”), Жошуа Киммих (“Бавария”) ва Бернарду Силва (“Манчестер Сити”).
