"Лейпциг" клуби ўз ҳимоячиси Бенжамин Хенрикс билан шартномани узайтирмоқчи, деб ёзади Sky Germany нашри.
Манбага кўра, немис клуби футболчининг келажагига ойдинлик киритмоқчи, чунки "Лейпциг" ва германиялик футболчи жамоани эркин агент сифатида тарк этмаслигига келишиб олган.
Ҳимоячининг "буқалар" билан шартномаси 2025 йилнинг ёзида тугайди.
"Ультиматум шундан иборатки, у ё шартномасини узайтиради ёки шу ёзда сотилади", - дейилади манбанинг баёнотида.
Жорий мавсумда Хенрикс "Лейпциг" сафида 34 та ўйинда майдонга тушиб, 1 та гол урди ва 6 та голли узатмани амалга оширди.
