"Интер" бош мураббийи Симоне Индзаги яқин келажакда жамоани тарк этмайди.

Мутахассисга хориж топ-клублари қизиқиш бўлди, аммо “нерадзуррилар” бош мураббийининг келажаги “Интер” билан боғлиқ. Журналист Фабрицио Романонинг фикрича, Индзаги бор эътиборини тўлиқ ўзининг ҳозирги клубига қаратган. Яқин орада “Интер” раҳбарияти мураббийга маоши оширилган янги меҳнат шартномасини таклиф қилади – бошқа гигантлар қизиқишига қарамай, мураббий унга рози бўлишга тайёр.

Симоне Индзаги "Интер"ни 2021 йилдан бери бошқариб келмоқда, унинг амалдаги шартномаси келаси мавсум охиригача амал қилади.