"ПСЖ" "Барселона"нинг икки ҳимоячисига қизиқиш билдирмоқда.

Catalunya Radio хабарига кўра, француз клуби Жюль Кунде ва 17 ёшли Эктор Фортни ўз сафига қўшиб олмоқчи. Таъкидланишича, бу масала бир неча ҳафта олдин "ПСЖ" ва "Барселона" вакиллари ўртасидаги учрашувда муҳокама қилинган.

Хабар қилинишича, "ПСЖ" бош мураббийи Луис Энрике ҳимоячини ёқтиришига қарамай, "Барселона" Эктор Фортни сотишдан бош тортган. Жюль Кунденинг эҳтимолий трансфери бўйича музокаралар давом этмоқда.

Ла Лиганинг жорий мавсумида Форт Каталония клуби сафида 4 та ўйинда майдонга тушиб, голли узатмани қайд этди.

Кунде жорий чемпионатда 27 та ўйин ўтказган - унинг ҳисобида 2 та гол ва 2 та голли узатма бор.