Испания Қироллик футбол федерациясининг (RFEF) собиқ президенти Луис Рубиалес Испания аэропортида ҳибсга олинди. Бу ҳақда Sport.es нашри хабар берди.
Аввалроқ Испания прокуратураси Луис Рубиалесни ҳибсга олишга ордер берган эди. Бу ордер Саудия Арабистони билан Испания Суперкубогини ўтказиш ҳуқуқини ушбу мамлакатга ўтказиш билан боғлиқ шартнома иши бўйича RFEF бинолари тинтув қилинганидан кейин чиқарилган.
Ушбу битимни тузиш чоғида коррупция ва жиноий даромадларни легаллаштириш аломатлари борлиги таъкидланди.
Бундан ташқари, прокурорлар Рубиалесни Испания терма жамоаси футболчиси Женнифер Эрмосони ўпгани учун 2,5 йил қамоқ жазосини талаб қилди.
