"Манчестер Юнайтед" бош мураббийи Эрик тен Хаг ярим ҳимоячи Мейсон Маунтнинг характеридан ҳайратда. Журналист Роб Доусоннинг сўзларига кўра, англиялик футболчи жароҳат олганидан бери тезроқ майдонга қайтиш учун жуда қаттиқ меҳнат қилган.
Манба шунингдек, Маунт сўнгги пайтларда "Манчестер Юнайтед" машғулотларини охирги бўлиб тарк этаётганини айтган. Англиялик футболчи ўтган ёзда манкунианликлар унинг учун 65 миллион евро тўлагани бежиз эмаслигини исботламоқчи.
Премьер-лиганинг сўнгги турида Маунт "МЮ" сафидаги дебют голини "Брентфорд"га қарши ўйинда киритди.
