"Фенербахче" Туркия кубогининг камида кейинги иккита мусобақасида қатнашмайди, деб хабар беради клуб расмий сайти.
Бу қарор клуб президенти ва бошқарув аъзолари иштирокидаги навбатдан ташқари йиғилиш якунлари бўйича қабул қилинди.
Клуб камида Туркия кубогининг кейинги иккита мавсумини ўтказиб юбориш ниятида эканлигини маълум қилди. Шунингдек, “Фенербахче” Туркия Суперкубоги учун ўйинни тегишли санага кўчириш ва хорижлик ҳакам тайинлашни талаб қилди.
Агар клуб иккала турнирни ҳам бойкот қилмаса, унда Истанбул жамоасининг ёшлари ўйинларда майдонга тушишади.
19 март куни "Фенербаҳче" матбуот хизмати клуб Туркия чемпионатидан чиқиши мумкин бўлган масалани кўриб чиқиши ҳақида хабар берди. 2 апрель куни клуб турнирни тарк этиш масаласини кейинга сургани маълум бўлди.
