Лондоннинг «Арсенал» клуби ўз уйида «Бавария» 1:3 ҳисобида имкониятни бой бергач, кўпчилик жамоанинг курашдан муддатидан олдин чиқиб бўлганини таъкидлаб ўтганди.

Бироқ Венгер жамоаси Мюнхенда бутунлай бошқача футбол намойиш этишди. Энг камида учта гол киритиш ва ўз дарвозаси даҳлсизлигини сақлаб қолишга мажбур бўлган «канонирлар» бу мақсадни яхши бошлашди. 3-дақиқадаёқ, Уолкоттнинг пасидан кейин Жиру жамоасини ҳисобда олдинга олиб чиқди.

Бироқ киритилган тезкор голдан кейин «Арсенал»нинг иштиёқи ошиб кетгани йўқ. Фақатгина 86-дақиқага келибгина Лоран Косьелнининг бош билан берган зарбасидан кейин ҳисобдаги фарқ яна ошди. Бироқ буёғига ҳам «Арсенал»нинг кетма-кет босими кўзга ташланмади. Натижада «Эмирейтс»да ўтказиб юборилган битта ортиқча гол «Бавария»ни чорак финалга олиб чиқди.

Чемпионлар Лигаси
1/8 финал
Жавоб учрашуви

БАВАРИЯ (Германия) – АРСЕНАЛ (Англия) 0:2 (0:1).
Голлар: Жиру (3), Косьельни (86).
Бавария: Нойер, Лам, ван Бейтен, Данте, Алаба, Хави Мартинес, Л. Густаво, Мюллер, Кроос (Тимощук, 81), Роббен, Манджукич (Гомес, 73).
Арсенал: Фабианьски, Женкинсон, Мертесакер, Косьельни, Гиббс, Артета, Рэмзи (Жервиньо, 72), Уолкотт (Окслейд-Чемберлен, 72), Росицки, Касорла, Жиру.
Огоҳлантиришлар: Гиббс (44), Лам (57), Росицки (62), Жиру (74), Мертесакер (80), Хави Мартинес (82), Касорла (83), Косьельни (86), Гомес (89).
Дастлабки учрашув: 3:1.