"Барселона" бош мураббийи Хави Эрнандес мавсум охирида жамоани тарк этиш ҳақидаги фикрини ўзгартириши мумкин.

Журналист Фернандо Поло берган маълумотга кўра, бунинг учун испаниялик мутахассис камида иккита юлдуз футболчи билан шартнома имзолаши керак.

Манбага кўра, Хави таркибни "Реал Сосьедад" футболчиси Мартинос Субименди ёки "Бавария" аъоси Йозуа Киммих билан кучайтирмоқчи.

Шунингдек, “Барселона” устози “Манчестер Сити”дан Бернарду Силвани ўз сафида кўрмоқчи.

Эслатиб ўтамиз, “Барселона” раҳбарияти Хавини бош мураббий сифатида сақлаб қолишга ҳаракат қилмоқда. Клуб молиявий инқироз шароитида ишлай оладиган биронта ҳам мавжуд мутахассисни кўрмаяпти.