Испания Қироллик футбол федерациясининг (RFEF) собиқ раҳбари Луис Рубиалес уни коррупцияда ноҳақ айблашаётганини айтди.
“Мен ҳеч қачон ноқонуний шартнома тузмаганман. Сиз фуқаролик гвардияси ҳисоботини кўрдингизми? Мен ҳуқуқ-тартибот идоралари билан баҳслашмоқчи эмасман. Агар шубҳалар бўлса, уларга аниқлик киритамиз. Барча аккаунтларим блокланган, ҳатто кола ҳам сотиб ололмайман", - дея Рубиалеснинг сўзларини келтиради Marca.
Аввалроқ собиқ менежер сўроқ ва мобил қурилмалар текширилгандан сўнг қўйиб юборилган эди.
