"МЮ" ҳимоячиси Далот ўз жамоадоши Гарначо ҳақида гапирди. 

"У асосий жамоага туша бошлаганида, биз унинг ўзига хос хусусиятлари борлигини дарҳол англагандик.

У машғулотларда жуда кўп ишлайди, унда ҳали имкониятлар пайдо бўлади, ҳаммаси унинг ўзига боғлиқ бўлади.

Ўйлашимча, у мавсумни жуда яхши ўтказмоқда, у билиши керакки, у гол ура бошлаганида, яхши ўйнай бошлаганида умидлар, масъулият, талаблар тобора ортиб боради.

Энг юқори даражада ҳамма нарса ошади ва у даражасини яхши ҳолатда ушлаб туриши керак, мен унга ҳар доим кийиниш хонасида ёрдам бераман. Аммо охир-оқибат у чўққига чиқишни хоҳласа, барчаси ўзига боғлиқ бўлади", – деди Далот.

Эслатиб ўтамиз, кеча “Манчестер Юнайтед” қўшиб берилган вақтда “Челси”га мағлуб бўлди.

97-дақиқада 3:2 ҳисобида олдинда бораётган "манкунианликлар" ҳимоячиси Диого Далот жарима майдончасида Нони Мадуэкега нисбатан қўполлик ишлатди. Бош ҳакам Жарред Гиллетт пеналти белгилади.

Коул Палмер 100-дақиқада пеналтини голга айлантириб, ҳисобни тенглаштирди. Бир дақиқадан сўнг у яна бир гол уриб жамоасига ғалаба келтирди.