Суперлиганинг 5-туридан ўрин олган “Сўғдиёна” - “Қизилқум” (1:0) учрашувидан сўнг навоийликлар бош мураббийи Жамшид Саидов матбуот анжуманида иштирок этди.
"Биргина хато эвазига гол ўтказиб юбордик. Умумий айтганда ўйинимиз ёмон чиқмаётганди. Охиригача курашишгани учун йигитларга рахмат айтаман. Шунингдек, узоқ йўл босиб келиб бизни қўллаб-қувватлаган мухлисларга ҳам рахмат.
- Дастлабки турларни яхши бошлагандингиз. Кейин жамоа натижаларида пасайиш кузатилмоқда. Буни қандай изохлайсиз?
- Натижаларимизни ёмон деб бўлмайди. Сафар ўйинида ютқазиб қўйдик. Умумий ўйин бўйича ҳеч бир рақибдан кучсиз ўйин кўрсатмаяпмиз.
- Вазиятларни якунлашда муаммо бордек кўринди...
- Бўлиши мумкин. Лекин бугунги ўйинда гол ура олмаганимизга сабаб "Сўғдиёна" яхши ҳимояланди. Умумий ўйин картинасида биз кўпроқ устунликка эга бўлдик. Битта хато қимматга тушди. Навбатдаги ўйинларга тайёргарликка киришамиз" - деди Жамшид Саидов.
