"Галатасарой" дарвозабони Фернандо Муслера клуб билан янги шартнома имзолашга тайёр.
Уругвайлик футболчининг амалдаги шартномаси мавсум охирида тугайди, бироқ турк гранди фахрийни сақлаб қолишни истамоқда. Машҳур журналист Николо Скиранинг ёзишича, 37 ёшли дарвозабон билан меҳнат шартномасини 2025 йилгача узайтиришга бир қадам қолган.
Фернандо Муслера 2011 йилда "Лацио"дан "Галатасарой"га келиб қўшилганидан бери 500 та ўйинда майдонга тушди. Июнь ойида Истанбул жамоаси сардори 38 ёшга тўлади.
Жорий мавсумда Муслера “Галатасарой” сафида барча мусобақаларда 44 та ўйин ўтказиб, 44 та гол ўтказиб юборган.
