Туриннинг “Ювентус” клуби бош мураббийи Массимилиано Аллегри келаси мавсумда ҳам ўз лавозимида ишлашда давом этадими ёки йўқми, деган саволга яна жавоб бермади.
Италиялик мутахассиснинг шартномаси 2025-йилнинг ёзига қадар тузилган, бироқ “кекса синёра” жорий мавсум якунида у билан хайрлашиши мумкинлиги ҳақида хабарлар бор.
"Менинг келажагим? Жорий мавсумда ўз олдимизга қўйган мақсадларни амалга оширишга бор эътиборимни қаратганман. Бу осон бўлмайди, лекин биз мавсумни энг яхши тарзда якунламоқчимиз.
Футболда фақат натижаларга қараш керак", - дея Аллегрининг сўзларидан иқтибос келтиради журналист Никло Скира.
