Англия премьер-лигасининг 32-тур учрашувлари бошланди, мамлакат чемпиони «Манчестер Сити» Лондонга сафар қилди ва у ерда «Кристал Пэлас»ни 4:2 ҳисобида мағлуб этди.
Ўйинда Кевин де Брюйне Холандга ассистни амалга оширди. Бу бельгияликнинг ўтган мавсум бошидан бери норвегияликка узатган 17-ассисти бўлди. Бу вақт давомида ҳеч бир тандем бир-бирини бунчалик яхши тушунмаган.
Эслатиб ўтамиз, "шаҳарликлар" айни дамда АПЛ турнир жадвалида "Ливерпуль" билан биргаликда биринчи ўринда кетмоқда. Фақат "қизиллар"да битта кам ўйин мавжуд.
