Ўзбекистон Суперлигаси 5-турида ОКМКни мағлуб этган "Сурхон" клуби бош мураббийи Февзи Давлетов ғалаба ҳақида ўз фикрларини билдирди.

"Аввалги турдаги жуда қийин учрашувдан кейин жисмоний ва руҳий томондан анча толиқиш сезилди. Биринчи тайм шунинг учун анча қийин кечди. Тўпни назорат қила олмадик. Биз ўйлаган режамиз асосида ўйнай олмадик. Иккинчи бўлимда бироз тактик ўзгаришлар қилдик, футболчилар бошқача ҳаракат қилишни бошлашди. Учинчи голни уриб олганимизда оснороқ бўларди.

Кетма-кет уч мағлубият футболчиларга бироз руҳий босим қилаётганди. Аммо, Наманганда улар ўзларини яхши томонлама кўрсата олишди ва бу босимдан чиқа олишди. Охирги беш кунда тикланиш жараёни яхши кечди. Ўтган турдаги ўйиндан сўнг ўзларига бўлган ишончни орттиришди. Ўйнай олишларини кўрсатишди. Ғалаба қозонмасак бўлмас эди.

Улуғбек Ҳошимовнинг ёшлар терма жамоасига кетгани ҳам бугун сезилди. Унинг майдондаги ҳаракатлари етишмади дейиш мумкин. Жамоа ўзига келаяпти. Ўзларига бўлган ишонч ортди. Ғалабамиз тасодиф эмас.

Потапов ҳали тайёр эмас. Футболчида шундай ҳолатлар бўлиб туради. Унга бироз вақт керак. Нимели эса ҳали илк турдаги жароҳатидан тузалмади. Яқин кунларда сафга қайтишига умид қилаяпмиз", — деди Давлетов.