"Ливерпуль" бош мураббийи Юрген Клопп "Манчестер Юнайтед"га қарши сафардаги дурангдан сўнг фикр билдирди.
“Биз ғалаба қозонишимиз керак эди, бу аниқ. Биринчи бўлимда кўпроқ гол уришимиз мумкин эди. Биринчи бўлимда дарвозамизга бирорта ҳам зарба йўлланмади ва 1:0 ҳисоби бизнинг фойдамизга, танаффусда кутишимиз мумкин бўлган энг ёмон натижа бўлди. Бруну Фернандеш ажойиб.
Ўтказиб юборган голимиз олдидан ҳам, кейин ҳам катта имкониятларга эга бўлдик. Онана ақлбовар қилмайдиган сейв амалга оширганида Собослаи имкониятга эга бўлди. Бошқа пайтларда биз шошқалоқ эдик", - деди Клопп.
