"Фенербахче" Туркия Суперкубоги доирасида "Галатасарой"га қарши ўйинда майдонни эрта тарк этганидан сўнг вазият бўйича баёнот берди.
Ўйин 7 апрель куни бўлиб ўтди. "Фенербахче" ўйин учун ёшлар таркибини майдонга туширди. Биринчи гол ўтказиб юборилганидан кейин жамоа майдонни тарк этди. Шу тариқа “Фенербахче”га техник мағлубият берилди ва “Галатасарой” кубок соҳибига айланди.
“Бугун биз майдонга ғалаба қозониш учун эмас, балки ўз ҳуқуқларимизни ҳимоя қилиш учун чиққанимизда, таъкидламоқчимиз:
Нафақат футболда, балки ўзимиз мансуб бўлган ҳар бир соҳада 117 йиллик тарихимиз давомида турк спортига хизмат қилиб келмоқдамиз. Бизнинг музейимизда меҳнатимиз эвазига олинган минглаб совринлар сақланади. Биз 30 миллион мухлис билан биргаликда миллий қадриятларимизни баҳам кўрамиз. Биз кечагидек бугун ҳам, эртага ҳам ўз позициямизда туришда давом этамиз", - дейилади клуб баёнотида.
19 март куни “Фенербаҳче” матбуот хизмати клуб Туркия чемпионатидан чиқиши мумкин бўлган масалани кўриб чиқиши ҳақида хабар берди. 2 апрель куни клуб турнирни тарк этиш масаласини кейинга сургани маълум бўлди.
