"Бавария" ҳужумчиси Серж Гнабри Микель Артета билан Лондоннинг "Арсенал" жамоасида ўйнаганини эслади. "Бавария" эртага Чемпионлар лигаси чорак финалининг биринчи ўйинида "Эмирейтс" стадионида Артета жамоасига қарши ўйнайди.
"У энди мураббийлик ролига тўлиқ берилиб кетган ва стратегик фикр юритади. Менинг вақтимда у аллақачон тажрибали футболчи эди. Микел ҳамма билан кўп мулоқот қиладиган капитан ва раҳбар эди. У ёш футболчиларга катта ёрдам берди. Артета бизни қўллаб-қувватлади, доим яхши маслаҳатлар берди, диққатимизни жамлаб, майдонда бор кучимизни ишга солишимиз учун бизга йўл-йўриқ кўрсатишга ҳаракат қилди", - дея Гнабрининг сўзларини келтиради Bild.