Мадриднинг “Реал” клуби марказий ҳимоячиси Антонио Рюдигер ёзда Дортмунднинг “Боруссия” клубидан 103 миллион евро эвазига “Сантьяго Бернабеу”га ўтган ярим ҳимоячи Жуд Беллингемнинг ўйинидан ҳайратда қолганини тан олди.
“Аввалига бироз ҳайрон бўлдим, чунки уни бунчалик яхши танимасдим. Аммо Жуд ақлбовар қилмайдиган одам, у 20 ёшга ўхшамайди. Ишончим комилки, Беллингем етакчи бўлади, чунки у ўз ёшига кўра жуда етук", — деди Рюдигер матбуот анжуманида.
Беллингемнинг Испания чемпионатида 16 та голи бор ва у турнирнинг энг яхши тўпурарлари учлигига киради.
