Ноябрь ойида "Эвертон" 2021/2022 йилги мавсум якунланган даврда молиявий қоидаларни бузгани учун 10 очко олиб ташланди. Шундан сўнг жамоа апелляция аризаси билан чиқди ва жазо енгиллаштирилди – тўрт очко жамоага қайтарилди.
Энди "Эвертон"дан яна икки очко олиб ташланди. Сабаби, 2022/2023 йилги мавсумда якунланган даврдаги молиявий қоидабузарликлар. "Эвертон" клуби яқин орада бу қарорга апелляция бериши мумкин. "Эвертон" яна икки очкони олиб ташлагач, АПЛ турнир жадвалида 15-ўриндан 16-ўринга тушиб кетди.
Жамоа навбатдаги ўйинни 15 апрель, душанба куни меҳмонда "Челси"га қарши ўтказади.
