ЕЧЛнинг 1/4 финал дастлабки учрашувида "Арсенал" ўз майдонида "Бавария"ни қабул қилади. Ушбу учрашувдан олдин ўтказилган матбуот анжуманида "Арсенал" ҳужумчичи Габриэль Жезус рақиб ҳақида ҳақида фикр билдирди.
"Харри Кейн қандай буюк футболчи эканлигини ҳамма билади. Ҳужумларни якунлашда унга тенг келадигани йўқ деб ўйлайман. Бундай маҳоратли футболчига қарши ўйнаш ёқимли. Албатта, биз буни якунлаб, бу ўйинда ғалаба қозонишга ҳаракат қиламиз. Лекин бу шунчаки Кейн эмас - уларда Сане, менинг эски дўстим, Мусиала, Коман, Мюллер, Гнабри бор. "Бавария"да ажойиб футболчилар кўп" - деди Жезус УЕФА расмий сайтига.
