Лондоннинг "Арсенал" клуби тез орада жамоанинг амалдаги бош мураббийи Микель Артета билан шартномани узайтириши мумкин. Бундан икки томон ҳам манфаатдор.
"Арсенал" Премьер-лига турнир жадвалида пешқадамлик қилмоқда ва Чемпионлар лигасидаги саёҳатини давом эттирмоқда, у ерда турнирнинг чорак финалида "Бавария" билан учрашади.
"Канонирлар" муваффақиятининг асосий муаллифларидан бири - жамоа бош мураббийи Микель Артетадир.
Таниқли инсайдер Фабрицио Романо ўз подкастида "Арсенал" ва 42 ёшли испаниялик мутахассис тез орада янги шартнома имзолаши мумкинлиги ҳақида хабар берди.
"Арсенал" ва Артета тез орада янги узоқ муддатли шартномани муҳокама қилишлари кутилмоқда, чунки барча манфаатдорлар учун устувор вазифа биргаликда ишлашни давом эттиришдир", деди журналист.
