Лондоннинг "Арсенал" клуби ва Германия терма жамоасининг собиқ дарвозабони Йенс Леманн бугун "канонирлар" ўз уйида "Бавария"ни қабул қиладиган Чемпионлар лигасининг чорак финал учрашуви ҳақида гапирди.
“Менимча, “Арсенал” фаворит. Шунга қарамай, "Бавария" ҳамон майдонда ўзгаришлар қила оладиган футболчиларга эга жамоа. Менинг назаримда, “Бавария”нинг ҳозирда “Арсенал”дан кўра кўпроқ заиф томонлари бор.
Бу, биринчи навбатда, ташкилот ва беқарорликка тегишли. "Арсенал" майдоннинг деярли барча қисмида юқори тезликни сақлаб турибди, "Бавария"да эса бу етишмаяпти. Албатта, Лондон жамоаси ҳозир анча барқарор", - дея Леманнинг сўзларидан иқтибос келтиради журналист Филип Кесслер.
