"Бавария" вингери Серж Гнабри яна инглиз рақиби дарвозасига зарба берди - бу сафар "Арсенал" жабр кўрди.
28 ёшли футболчи сешанба куни Лондонда бўлиб ўтган Чемпионлар лигасининг 1/4 финали биринчи ўйинининг (2:2) 18-дақиқасида "канонирлар" дарвозасини ишғол қилди.
Opta порталининг хабарига кўра, Гнабри Чемпионлар лигасида Англия жамоаларига қарши сафар ўйинларида 7 та гол урди - бу мусобақа тарихидаги иккинчи энг кўп гол.
Бу кўрсаткич бўйича пешқадам "Реал"нинг собиқ ҳужумчиси Карим Бензема бўлиб турибди, у Англияда Премьер-лига вакиллари дарвозасига 11 бор гол урган.
Қизиғи шундаки, Серж Гнабрининг барча еттита голлари Лондон жамоалари дарвозасига киритилган: немис футболчиси "Тоттенхэм"ни тўрт марта, "Челси"ни яна икки марта ва "Арсенал"ни бир марта ранжитган.
Эслатиб ўтамиз, Гнабри 2011 йилдан 2016 йилгача "Арсенал"да ўйнаган.
