"Манчестер Сити" билан ўйин Карло Анчелоттининг мураббийлик фаолиятидаги Чемпионлар лигасидаги 200-ўйин бўлди.
"Реал Мадрид" бош мураббийи тарихда бу маррага етган илк мутахассис бўлди.
Бу кўрсаткич бўйича 2-ўринни Алекс Фергюсон (турнирда 190 та ўйин), 3-ўринни Арсен Венгер (178 учрашув) эгаллаб турибди. Тўртинчи ўриндаги Пеп Гвардиола кеча Чемпионлар Лигасида мураббий сифатида 168-ўйинини ўтказди.
Эслатиб ўтамиз, Анчелотти Чемпионлар лигаси кубоги (4) ва турнирдаги ғалаба қозонган ўйинлар сони (114) бўйича ҳам мураббийлар орасида пешқадам.
Анчелотти Чемпионлар лигасида "Парма", "Ювентус", "Милан", "Челси", "ПСЖ", "Бавария" ва "Наполи" клубларида ишлаган.