Биринчи ўрта вазн тоифасида WBA чемпиони Исроил Мадримов (10-0-1, 7 КО) мутлақ жаҳон чемпионлигини кўзлаяпти.
Мадримовнинг менежери Вадим Корнилов WBC ва WBO камарларини қўлга киритган Себастьян Фундоранинг жамоаси Цзюга реванш беришни ҳамда собиқ чемпион Эррол Спенс билан жанг ўтказиш бўйича музокараларни бошлаганини айтди.
"Чемпионлар чемпионлар билан жанг қилсин. Айнан шу нарсани мухлислар ва кенг бокс оммаси хоҳлаяпти. Одамлар Фундоранинг уч мартта Цзю билан жанг ўтказишини ёки Спенсга қарши рингга кўтарилишини истамайди. Себастьян, улар билан битта жанг етади. Сен чемпионлар билан жанг қил", — деди Корнилов.
Унинг сўзларига кўра, Мадримовнинг навбатдаги жанги бўйича музокаралар бошланган. Исроил кучли боксчиларга қарши жангларда ўзининг нималарга қодирлигини кўрсатишга тайёр.
"Биз энг катта жанг устида ишлаяпмиз. Мадримов ҳамма чемпионлар билан жанг қилишга тайёр. Эртами-кеч бу ҳолат рўй беради", — деди менежер.
