"Реал Мадрид" ярим ҳимоячиси Федерико Вальверде "Манчестер Сити" билан ўйин олдидан 9 кунлик дам олиш жамоа учун зарарли эканлиги ҳақида фикр билдирди.
Кеча уругвайлик “шаҳарликлар" дарвозасига гол уриб, “қироллик клуби”нинг “Сантьяго Бернабеу”да бўлиб ўтган Чемпионлар лигасининг биринчи чорак финалида 3:3 ҳисобида дуранг ўйнашига ёрдам берганди.
"Манчестер Сити" билан ўйин олдидан танаффус зараримизга бўлди. Биз ҳар уч кунда ўйнашга ўрганиб қолганмиз, шунинг учун биз ритм туйғусини йўқотдик", - дея Вальверде сўзларини келтиради Madrid Xtra.
"Реал" ва "Манчестер Сити" ўртасидаги жавоб учрашуви бир ҳафтадан сўнг Англияда "Этиҳад" стадионида бўлиб ўтади.
