"Ливерпул"нинг венгриялик ярим ҳимоячиси Доминик Собослаи қайси позицияда ўйнашни ёқтиришини айтди.

"Венгрия терма жамоаси мураббийи менга ҳар доим кейинги Пирло бўлишим мумкинлигини айтган! "Ливерпул"да бироз ҳимоявий ўйин ўйнашни бошлаганим менга ёқади. Вақт ўтади ва мен бу ҳақда ўйлашим керак. Лекин мен кейинги Пирло бўлишни хоҳламайман, албатта, у ажойиб футболчи ва афсона, лекин мен ўзим бўлишни хоҳлайман", - деди Собослаи.

Доминик Собослаи ўтган ёзда мерсисайдлик футболчига айланди. Жорий мавсумда венгер “қизиллар” сафида барча мусобақаларда 37 та ўйинда майдонга тушиб, 7 та гол урди ва 4 та голли узатмани амалга оширди.